இவற்றிற்கும் இஸ்லாம்தான் காரணமா?

கிறிஸ்தவ கன்னியாஸ்திரிகள் சில குறிப்பிட்ட வகை உடைகளையே அணிந்திருக்க வேண்டும். எல்லாப் பெண்களும் ஆண்களும் பல்கலைக் கழத்தில் பட்டம் பெறும் போது பர்தாவையொத்த கருப்பு அங்கியையும் தொப்பியையும் அணிய வேண்டும். அதேபோல் நீதிமன்ற நீதிபதி (ஆணோ பெண்ணோ) யாராக இருந்தாலும் பர்தாவையொத்த கருப்பு அங்கியை அணிய வேண்டும். இங்கெல்லாம் ‘வற்புறுத்தல்’ ‘பழமைவாதம்’ ‘பெண் அடிமைத் தனம்’ என்ற சொற்கள் பிரயோகிக்கப்படுவதில்லை. ஆனால் முஸ்லிம் பெண்கள் பர்தா அணியும் போது மட்டும் அவ்வாறு குறிப்பிடப்படுவது ஏன்? அதைச் சொல்வது இஸ்லாம் என்பதனாலா?

ஏழ்மையையும் வறுமையையும் ஒழிக்க உலக நாடுகள் திட்டமிடுகின்றன. பொருட்களின் வீண் விரயம் தவிர்க்கப்பட்டு உழைப்பிற்கேற்ற கூலியைக் கொடுத்தால் ஓரளவு வருமை குறையும். செல்வந்தர்கள் கட்டாயமாக வரி செலுத்தினால் அரசின் நிதியாதாரம் கனிசமாக உயரும். அனைத்து வகை வட்டிமுறையையும் தடை செய்தால் ஏழைகள் நிம்மதியடைவர். இதைச் செய்தால் உலகநாடுகள் ஓரளவு பொருளாதார தன்னிறைவு அடையும். ஆனால் உலக நாடுகள் செயல்படுத்த முன்வருவதில்லை ஏன்? அதைச் சொல்வது இஸ்லாம் என்பதனாலா?

முறையற்ற உடலுறவே எயிட்சுக்குக் காரணம்! பாலினக் கவர்ச்சியே பல குற்றங்களுக்கு அடிப்படை. முறையான திருமணங்கள் மூலம் உடலுறவு கொள்வதால் எயிட்ஸ் வர வாய்ப்பில்லை. ஆணும் பெண்ணும் கண்ணியமாக நடந்து கொண்டால் பாலினக் கவர்ச்சியால் எழும் குற்றங்கள் குறையும். ஆணும் பெண்ணும் கண்ணியமாக வாழ்ந்தால் மேற்கண்ட தீங்குகள் இல்லை.ஆனால் உலக நாடுகளின் சட்டங்கள் இவற்றை நடைமுறைப் படுத்த முன்வருவதில்லை ஏன்? அதைச் சொல்வது இஸ்லாம் என்பதனாலா?

உலகக் கோப்பை கால்பந்து இறுதிப் போட்டியின் கடைசி நேரத்தில் இத்தாலி கால்பந்தாட்ட வீரர் மாட்டரஸ்ஸியை தலையால் முட்டியதற்காக பிரான்ஸ் கால்பந்தாட்ட வீரரும் அணித்தலைவருமான ஜைன்தீன் ஜெய்டானுக்கு சிகப்பு அட்டை வழங்கப்பட்டு ஆடுகளத்தில் இருந்து வெளியேற்றப்பட்டதோடு, அடுத்த மூன்று ஆட்டங்களில் பங்கேற்க FIFA தடை விதித்துள்ளனர். அதேபோல் மாட்டரஸ்ஸிக்கு இரண்டு ஆட்டத்தில் விளையாட மட்டுமே தடை விதிக்கப்பட்டது. தன்மானம் தாக்கப்பட்டதால் உணர்ச்சி வசப்பட்டு தாக்கியவருக்கு மூன்று ஆட்டங்களும், உணர்ச்சி வசப்பட வைத்தவருக்கு இரண்டு ஆட்டங்களும் தடை! அபராதமும் ஜைடானை விடக் குறைவே! ஏன் இந்த பாகுபாடு? அவ்வாறு செய்தவர் முஸ்லிம் என்பதனாலா?

பாகிஸ்தானில் கோவில் இடிக்கப்பட்டால் கொதிந்து எழுவதும், இடிக்கப் படாத கோவில் புணரமைப்பிற்கு நிதியுதவி செய்தாலும் அதற்கும் உள்ளர்த்தம் கற்பிகப் படுகிறது. பாபர் மசூதியை அநியாயமாக இடித்து விட்டு, தற்போது அங்கு சட்டவிரோதமாக அமைக்கப் பட்டுள்ள ராமர் கோவிலுக்கு எஃகுச்சுவர் பாதுகாப்பிற்காக மத்திய அரசு சுமார் எட்டு கோடி ரூபாய் ஒதுக்குகிறது. இடிக்கப்படாத கோவிலுக்காக வெகுண்டு எழுந்த கணவான்கள், இடிக்கப்பட்ட மசூதி பற்றி ஒன்றும் சொல்லாதது ஏன்? அது முஸ்லிம்களுக்குச் சொந்தமானது என்பதனாலா?

டெல்லியில் தொல்பொருள் ஆய்வுத்துறையின் கட்டுப்பாட்டிலுள்ள ஐம்பதுக்கும் மேற்பட்ட மசூதிகளில் முஸ்லிம்கள் வழிபாடு நடத்த அனுமதியில்லை. அதே தொல்பொருள் ஆய்வுத் துறையின் கட்டுப்பாட்டிலுள்ள திருவண்ணாமலைக் கோவிலில் இந்துக்கள் வழிபாடு நடத்த முடிகிறது. ஒரே துறையின் கீழுள்ள இரு வேறு வழிபாட்டுத்தளங்களில் ஒன்றிற்கு தடை; மற்றொன்றிற்கு அனுமதி! ஏன்? டெல்லியிலுள்ள வழிபாட்டுத் தளங்கள் முஸ்லிம்களுக்குச் சொந்தமானவை என்பதனாலா?

குண்டு வெடிப்புகளாலும் கலவரங்களாலும் அப்பாவிகள் கொல்லப் படுகின்றனர். சமீ