ஹமாஸ் வெற்றியும் ஊடகங்களின் ஒப்பாரியும்

அடைமழையினால் தனது வீட்டை இழந்து தெருவில் நிர்க்கதியாக நிற்பவரை நீங்கள் மனிதாபிமானத்தோடு தனது குடைக்குள் அழைத்துக் கொண்டு மழையிலிருந்து அவரைக் காப்பாற்றுகிறீர்கள். சிறிது நேரம் கழித்து அவர் உங்கள் குடையைப் பிடுங்கிக் கொண்டு உங்களை மழையில் நனைய விட்டால் உங்கள் நிலை என்னவாக இருக்கும்?

அவசரமாக கடிதத்தை அனுப்ப வந்தவர், பெறுநரின் முகவரியை எழுத மறந்து விட்டார். உடனே அருகிலிருக்கும் உங்கள் பேனாவை இரவல் வாங்கி அதனை எழுதி போஸ்ட் செய்து விட்டு பேனாவை தனது பாக்கெட்டில் வைத்துக் கொண்டு திமிராகச் சென்றால் உங்கள் அணுகுமுறை என்னவாக இருக்கும்?

வெளியூரியிலிருந்து பிழைக்க வந்தவர், உங்கள் நிறுவனத்திற்கு வந்து அவசரமாக ஒரு போன் பண்ண வேண்டும் என்று உங்கள் மொபைல் போனை வாங்கி ஓவர்சீஸ் கால் பண்ணி விட்டு மொபைலை தன் பாக்கெட்டில் வைத்துக் கொண்டு ஏன் உங்களை அடித்து உங்கள் நிறுவனத்திலிருந்து வெளியேற்றி உங்களை தீவிரவாதி என்றால் உங்கள் மனநிலை எப்படி இருக்கும்?

நடுநிலையாளர்களே, இவைதான் அரை நூற்றாண்டுகளாக இஸ்ரேலில் நடந்து கொண்டிருக்கின்றன. நனைந்து கொண்டிருந்த யூதர்களை குடைக்குள் அனுமதித்த பாலஸ்தீனர்கள் இன்று தீவிரவாதிகளாம். அவசரத்திற்கு பேனா தந்துதவிய பயங்கரவாதியாம். அந்நியரை தனது நிறுவனத்துக்குள் அனுமதித்ததால் நடுத்தெருவிற்கு வந்த நீங்கள் வன்முறையாளராம்.

ஒண்டவந்த பிடாரி ஊர்பூசாரியை விரட்டிய கதையின் நிகழ்கால உதாரணம்தான் இஸ்ரேலின் வரலாறு. பாலஸ்தீன மண்ணில் தொடர்ந்து கொடுமைகள் இடம் பெற்று வருகின்றன. யூத சியோனிச அரச அந்தப் பூமியின் மைந்தர்களை படுகொலை செய்து வருகின்றது.

தங்களுக்கு பாலஸ்தீன மண்ணில் ஓர் அங்குல உரிமை கூட பாராட்ட முடியாத நிலையில் சியோனிஸ்டுகள் அந்த மண்ணின் ஒரு பகுதியை அபகரித்து இஸ்ரேல் எனப் பெயர் சூட்டிக் கொண்டனர். இன்று இவர்கள் அபகரித்த பூமியை விஸ்தரிக்க பயங்கரவாதத்தை முடுக்கி விட்டுள்ளார்கள்.

அறுபது ஆண்டுகளுக்கு முன் உலக வரைபடத்தில் இல்லாத இஸ்ரேல், ஆண்டாண்டுகாலமாக வசித்துவரும் மண்ணின் மைந்தர்களை அமெரிக்காவின் தயவால் உலக நாடுகளின் கூக்குரல்களை மதியாது, வன்முறையாக அபகரித்த அராஜக வரலாற்றை மறைத்து ஒட்டுமொத்த உலகையும் ஏமாற்றியுள்ளது.

தான் இழந்த பூமியை மீட்கப் போராடும் பாலஸ்தீனப் போராளிகளை பயங்கரவாதிகள் என அழைக்கிறது. இது அமெரிக்கா கற்றுக் கொடுத்த பாடம். இந்தப் பாடப்போதனையிலிருந்து விடுபட்டு நியாயமாக சிநதிக்கத் தவறுவோர் தமது நியாயங்களுக்காக நியாய வழியில் நின்று போராட முடியாத நிலைக்குத் தள்ளப்படுவர்.

இவ்வாறு அடக்குமுறைக்குள்ளாவதே தங்களின் பிறவிப்பயனாக அனுபவித்து வரும் பாலஸ்தீனர்கள், சுதந்திரக்காற்றை சுவாசிக்க ஜனநாயகத்திற்கு திரும்பியுள்ளனர். சமீபத்தில் நடந்து முடிந்த பாலஸ்தீன நாடாளுமன்றத் தேர்தலில் “ஹமாஸ்” இயக்கம் அபார வெற்றி பெற்றுள்ளது.

இந்த தேர்தலில் ஹமாஸின் வெற்றி மண்ணின் மைந்தர்களை மென்மேலும் அடக்கியாளலாம் என்று மனப்பால் குடிந்தவர்களின் தலையில் இடியென இறங்கியது. அதனை தாங்க முடியாமல் உலகின் ஒரே சர்வாதிகாரியான அமெரிக்காவும், பயங்கரவாத்தின் தந்தையான இஸ்ரேலும் இன்னும் அதன் அடிவருடும் ஊடகங்களும் ஹமாஸின் ஜனநாயக வெற்றியை கொச்சைப் படுத்தி மக்களை மென்மேலும் முட்டாளாக்குகின்றகின்றனர்.

இந்த ஜனநாயக வெற்றியை சகிக்க முடியாத இந்த சர்வாதிகாரிகள், ஹமாஸின் வெற்றியால் உலகமே அதிர்ச்சியடைந்துள்ளதாக ஒப்பாரி வைக்கின்றனர். யார் இந்த ஹமாஸ் போராளிகள